Menu Tutup

Manganta’

Manganta’ atau Mangimbo rampanan kapa’ adalah kata-kata yang diucapkan oleh tominaa dalam upacara rampanan kapa’ (pernikahan). Manganta’ diucapkan setelah kedua mempelai kembali dari pemberkatan nikah di gereja dan mengantar mempelai menuju ke pelaminan.

Berikut salah satu versinya : (*)

Hee… lako kita mintu’ toumpentionganni rampanan kapa’ allo totemo, makalima’na tonalili’ tiku randanna basse situka’ kulla’ temarassan

Tollongmo tosangayoka tedong, tiumba’mo tosangbamban karambau naturu’ tomendadianna sola sile’to barra’na anna mintu’ sambo boko’na

Kukua…tumbara ia tanda bu’tunna rampanan kapa’ tiapari ia komba tinaranna passulean allo.

Lako tosangpetayanan tomisa’ kaparannuan Toumpetayanni Puang Yesu, tosarani tungka sanganna

Tabasa lan Sura’ Madatu, Taissan lammai luntara’ makaraeng

Kumua nene’ta pa Pong mula tau alloi ngina’ To dolo dipotau bunga’pa to kulla’ pura diboko’ Tonna misa-misapa Adang – sang bua dadipa Pong mula tau Nakalo’i pa’inaanna Puang Matua Nabori’ panglolonganna Totumampata

Kumua tangmelo ia kemisa-misai tu Adang lan lino Tang ganna’ ia ke tungga’i Pong mula tau.

Naurunganni umpamamma’i tang pandiu-diu tu Adang diong ballaran ampa’ Napamatindoi tangkalupi-lupian Pong mula tau diong rantean tuyu Nalampi’mi tu usuk pandakna nagaraga simbolong manik Nabintingmi tu bamban tangpalambi’na, natampa toding palangiran

Iamo mendadi baine sielle’ Adang – dodo sangkalamma’na Pong mula tau randukmi sangayoka tedong – tipamulami sangbamban karambau

iamo pole’ naturu’ bate lalan inde ampo/anak/siulu’ massola duai : … sola … (nama mempelai)

Dadi tamangimbomo langngan tangngana langi’ tamassambayangmo langngan Puang totumampata kumua :

Puang e… Puang e… Puang e… Puang Matua do tangngana langi’, Tokaubanan do masuanggana Topalullungan

Pora’mi lindo masakke inde tosangayoka tedong Pi’pikkimi rupa madadinding inde tosangbamban karambau

Ammi pasitammui eanan sanda makamban lan tananan dapo’na Ammi pasikalo’i barang sanda rupanna lan katuoanna Ammi pasitammui takian pia, mipasiduppai semberan lotong ulu

Anna ma’sompo ma’kepak ma’takia’ patomali Nalambi’ matua induk, nadete’ mabannu karurungan

Kurre…kurre…kurre sumanga’na.

Reference : Bibliography 172

Related post :   Ancestor story : Deata, roh penghuni alam semesta

Tinggalkan Balasan

Alamat email Anda tidak akan dipublikasikan. Ruas yang wajib ditandai *

error: Content is protected !!