Menu Tutup

Londe Tomangngura

Londe tomangngura berisi nasihat-nasihat, dorongan ataupun sindiran yang ditujukan bagi orang-orang muda. Generasi muda Toraja-lah yang berperan menjaga salah satu warisan budaya kita ini, leluhur telah mewariskannya tanggung jawab kita melestarikannya. Berikut ini londe tomangungra yang dikutip dari beberapa sumber (*).

Londo’-londo’ poko kita berakki tangpaissan tangmu issanpa untentenan tadimmu

Bunga melo lan te pa’lak bunga pukkini’-kini’ kupiang-piang lakupadio kaleku

Danga-danga tu mutiro massangna bunga-bunga tae’ susinna kedipake meloi

Sadiamo suke sura’ suke dia’ga-a’ga inanna bunga torroan danga-danga Ia bangri kukataku’ napokarrang bulungku kemalayumo’ ammu sorong boko’mo

Patonganni kada londong manuk melo sissikna pemali ade’ keunnoni ballei

Piranmo allu’na pasa’ dantianna tammuan anta sitammu tapamisa’ inaa

Banuari sikambela tondokri sikalangka’ inawa ia sikala’ rambu roya Moi budanna tu sara’ dio batang kalemu alana’ mati’ tasirande pala’i

Buda bannang lan te tondok buda ulang pangulang misa’ri aku natuntunni matangku Kengku bua-bua teda’ kengku ta’bi lelupang nang la la’ka’ku dio randan dodomu

Moi sangtumba moka’mu satumberu’-beru’mu nang membo’bokku tama batang kalemu

Apa murekkean buntu mulangnganan tanete den raka dao to naamben matammu

Moi kubungka’ tu sura’ kubaenan petallo’ tae’ susinna ke sirupa lindoki’

Ladisumpa’ inde lemo anna kondi’ pesumpa’ tang ladisumpa’ anna mailu mata

Mane lentekta sirumbu ilan pasa’ kalambe’ muta’pa lo’dok musanga kuangga’i Lamuala raka puyo ke musia’-sia’i tae’ padanna kemunaran-naranni

Kesusi tonganni kada tongka’na ulelean tasitoemo umpatengka mali’ta

Musangana’ kadong ba’te lamuala punala mupesse’ manna ammu ka’pan limamo’

Karapa angku mari’pi kutang tassu’ sumalong tang lakutammu tu dodo kukamali’

Lai’ e da’ mumessisi’ dio leko’na ba’ba sumuko kale’ kedenni pekutana

Tangiana’ batik pare lamudokko’ punala lingka pangnganko lako mendadiangku

Nokana’ tu lamu amu’ dio kabunianna tang sialana’ tu to ma’serre’ lampung Musanga raka maraa tu ma’ambe’ ma’indo’ kuanni dolo mumane mengkareke’

Pia’-pia’kan temai tau mane lundara tang kibelapa ussoyanan kaleki

Iko manna raka pandin nadadian indo’mu budapa pandin mane tarran ta’binna Alla’ki sisayu-sayu kita pia totemo iko kambossen aku kamboti lo’po’

Alla’ki sisayu-sayu kita pia totemo ma’misa nasang bakku’ tang disula’i Minda anak to lo’mai massarombe dodona buda kutunna ponno lisse ulunna

Dambu riri inde dao tang nalambi’ pesumpa’ torroko dao nakandeko paniki

Alla’ko kagereng-gereng lako manuk mangngura noka indo’na lamusarak sangbongi

Mane tuo tinde kadong mane tallu daunna nakua duka’ lama’kurin misamo’

Pokada melona’ dikka sa’bu’ maya-mayana’ da’ kutiramban da’ kusoyang sumanga’ Alla’ko kakita-kita lako kalosi pare manda’ rompona tang diteka’ mangngura

Andi’ku nabala buntu naidunni tanete kukita tindo kulomban bayo-bayo

Sandakki kusorong boko’ angku ma’dua kada buda mallomu anna lolokna riu Kusanga bi’ti’ ma’manik lette’ dipori gallang kumanta aku anna lette’ karresan

Kusanga baine ballo dodo tae’ susinna kukili-kili anna serang kaloko’ Reference : Bibliography 033, 172

Related post :   Ancestor story : Bombo, jiwa setelah kematian

1 Comment

Tinggalkan Balasan

Alamat email Anda tidak akan dipublikasikan. Ruas yang wajib ditandai *

error: Content is protected !!