Menu Tutup

Londe Pa’pakilala

Londe pa’pakilala atau pantun yang berisikan nasehat, ajakan dan motivasi.

Da’ ammu soso’ penawa Ke natampa’ko bara’ Susimo ia Lolangan katuoan

Mane mangiri’na angin Bumbukna talimpuru’ Mumento’tokmo Tama kalo’tok batu

Pean-pean dao buntu Sammin dao tanete Girikko mai Kupenunu rupangku

Musanga raka maraa Tu tang inde tang dio Rimpi’ko dako’ Natumang tang maleso

Tasik rapa’pa muola Muma’nuku-nukumo Mula ma’pamo Ke tumbangna karangan

Ke den langkan lendu’ sau’ Umbarrakan oninna Nang tang la ta’pa Ke tang tangke barana’

Uran kamban lao’ mai Umpamu’tung tanete Sembangko bane’ Da’mu makupe-kupe

Da’mu tontong salle dokko Mukkun kasua-sua Kupi’ko dako’ Natumang pa’dokkomu

Buda bu’ku’ lako lalan Bu’ku’ kaundu-undu Budamo tau Napakaundu sala

Da’mu parannuan bangi Mangiri’na tu angin Budamo angin Mangiri’ sala-sala

Da’mu ma’lambanan salu Kemalutui uai Natingkan oko Bungkang tallu singki’na

Pussakna umpenawanni Salu lolong lu rekke Leakmo rekke Anna tikolik sau’

Mane kalo’ mutengkai Ammu sua’ sarromu Mula ma’pamo Ullamban salu Sa’dan

Mudadi anginra iko Sangtinti talimpuru’ Puramo tau Mupasitulambenan

Tangiako kalongdai Menono’ kabunian Sattu’ lumingka Anna kolik kalena

Mane tengka mane ondo Ammu tang tiretokmo Umba mukua La gellu’ dao gandang

Tedong ria namentombang Anna mari’pi pullan Kita ia tau Unnanga’ malinona

Mukkun situka’ tu allo Mukkun tumengka lako Tengka dukako Da’mu tiampe lalan

Pelluangko sambu’ sa’be Dodo ditannun sura’ Ke tang somboi Tu rupa mala’bi’mu

Da’mu lumingka sumoko La ungkondongi lombok Pela’ko kita Ammu tang lumbangkoko

Da’mu tanan sura pa’tong Diong pengkalaoan Budamo tau Nabangkei surana

Da’mu marippi ma’dokko Dio to’kasepangan Ke’de’ko kale’ Mupatarru’ lalanmu

Da’mu mataku’ la pusa Unnola tang tondokmu Gandang mubaa Musoyan pekutana

Reference : Bibliography 033

Related post :   Londe tondok Toraya

Tinggalkan Balasan

Alamat email Anda tidak akan dipublikasikan. Ruas yang wajib ditandai *

error: Content is protected !!