Menu Tutup

Bating lan badong

Prolog : Sastra Toraja


Bating lan badong

Umbamira sangtondokta, tomai sangbanuanta sang to’doan tarampakta Ke’de’ko ta tannun bating, ta pana’ta’ rio-rio

Rio-rio mentarampak, bating messa’de banua

Mario-riokan kami, makarorrong silelekan, ramangkan massolanasang, sukkunkan angge mairi’

Male natampe ambe’ki, naboko’i ma’dadingki

Anna la mindamo dikka, la umpakande re’dekkan, la umbarra’ karoenkan

Ambe’ perangngikan mati’, ambe’ tanding talingakan

Angki lolloan rara’ko, angki tendeng bulaanko, angki gente’ kandaureko

Anta sisulle sitendeng, sisonda sisiri-siri

Panglolloannamo tondo’ pa’tendeng misa-misanna

Solon-solonna tang mamma’, passondana tingkaru’du’.

Lakulambi’mo dadimmu, lakudete’ garagammu, to nene’ mendeatammu

Umbai tommu dikombong, randukmu dipangidenan, tang kan dikandean essun, tang dileran bua kayu.

Ia tonna didadian, randukna ditibussanan, silalle-lallemi guntu’ sileleanna galugu, sirintikan susulandu’.

To laen-laen dadinna, senga’ kombong garaganna.

Tu to tang bu’turi lino, to tang ombo’ri daenan.

Anna kasalle dadinna, anna lobo’ garaganna marumbo pa’kaleanna.

Umbangun lando longa, unnosok salle a’riri

Nanai longke ma’bua’, tumayang ma’balinono

Torro madatumi dao, unnisung makaraengmi.

Randuk tumengka lentekna, tirimbak passoeanna

Nadoloan burakena, naturu’ panglalananna, sola buntu saratu’na

Ullambi’ to tabang tarri’, bambana to’kulo’-kulo’

Umbangunan lando longa, unnosok sale a’riri bendanmi banua bassi, a’riri bongga ura’na.

Reference : Bibliography 173

Related post :   Peribahasa Toraja #bagian 1

Tinggalkan Balasan

Alamat email Anda tidak akan dipublikasikan. Ruas yang wajib ditandai *

error: Content is protected !!